میاں چنوں (بینقاب نیوز، رپورٹر: عاصم کمال)
گاؤں 132/16 ایل میں چودھری کاشف بشیر کی جانب سے اہلِ علاقہ کے لیے مفت وائی فائی سروس کا باقاعدہ آغاز کر دیا گیا ہے۔
چودھری کاشف بشیر کے مطابق اس اقدام کا بنیادی مقصد طلبہ، نوجوانوں، کاروباری افراد اور عام عوام کو مفت انٹرنیٹ کی سہولت فراہم کرنا اور دیہی علاقے میں ڈیجیٹل رسائی کو فروغ دینا ہے۔
ابتدائی فیز میں یہ مفت وائی فائی سہولت گاؤں کے 4 مرکزی مقامات پر دستیاب ہو گی جن میں مرکزی چوک، عثمان جنرل سٹور والا چوک، رفیق چوک اور بلال رسول والا چوک شامل ہیں۔ اس سہولت سے علاقے کے نوجوانوں اور خصوصاً طلبہ کو تعلیمی و کاروباری امور میں بڑی مدد ملے گی۔