بازاروں، شاہراہوں، چوکوں اور عوامی مقامات سے تجاوزات کے خاتمے کے لیے بلاامتیاز کارروائی کی جائے ، حافظ شوکت علی
سرگودھا (راجہ نورالہی عاطف سے )
کمشنر سرگودھا ڈویژن حافظ شوکت علی کی زیرِ صدارت اجلاس میں شہری مسائل، تجاوزات کے خاتمے، صفائی، پارکس و گرین بیلٹس کی دیکھ بھال، شہر کی خوبصورتی ، جاری ترقیاتی اور تزئین و آرائش کے منصوبوں کا جائزہ لیا۔کمشنر حافظ شوکت علی نے متعلقہ افسران کو ہدایت کی کہ شہریوں کو بہترین سہولیات کی فراہمی یقینی بنائی جائے، بازاروں، شاہراہوں، چوکوں اور عوامی مقامات سے تجاوزات کے خاتمے کے لیے بلاامتیاز کارروائی کی جائے اور دوبارہ تجاوزات کی روک تھام کے لیے مؤثر مانیٹرنگ کا نظام وضع کیا جائے۔انہوں نے صفائی ستھرائی، گرین بیلٹس، پارکس اور شہر کی خوبصورتی کے امور پر خصوصی توجہ دینے جبکہ جاری منصوبوں کو مقررہ مدت اور معیار کے مطابق مکمل کرنے کی بھی ہدایت کی۔