سیالکوٹ۔سلیم احمد اعوان شیخو
راہزنوں کی ضمانت کروانے کے بعد ان کو مقدمہ سے بری کروانے والی بار ممبر کو راہزنوں نے لوٹ لیا۔بتایا گیا ہے کہ تھانہ بیگو وآلہ کے علاقہ میں تحصیل بار ایسوسی ایشن سمبڑیال کی بار ممبر نورین افضل اپنی والدہ کے ساتھ صبح کی سیر کرنے کے بعد گھر واپس جا رہی تھی کہ راستے میں نامعلوم راہزنوں نے ماں بیٹی کا راستہ روک ان سے اسلحہ کی نوک پر طلائی زیورات چھین لئے اور سنگین و خطرناک نتائج کی دھمکیاں دیتے ہوئے فرار ہو گئے۔پولیس نے مقدمہ درج کر کے مذکورہ راہزنوں کی گرفتاری کے لئے چھاپے مارنے شروع کر دئیے ہیں جبکہ مذکورہ بار ایسوسی ایشن کے ممبران نے مذکورہ راہزنی کی واردات کے خلاف ہڑتال کی اور کوئی بار ممبر عدالتوں میں پیش نہ ہوا بلکہ بار ایسوسی ایشن کی جانب سے راہزنوں کو فوری طور پر گرفتار کرکے ان سے لوٹے ہوئی طلائی زیورات واپس لے کر مذکورہ لٹنے والی بار ممبر کو واپس دینے کے ساتھ ساتھ راہزنوں کو عدالت سے قرار واقعی سزا دلوانے کا مطالبہ کیا گیا۔