سانگھڑ:(رپورٹ اشفاق سلہری)
وزیراعلیٰ خیبرپختونخوا محمد سہیل آفریدی آج سندھ کے ضلع سانگھڑ کا دورہ کریں گے، جہاں وہ عوام اور کارکنان سے خطاب کریں گے۔وزیراعلیٰ خیبرپختونخوا کے دورۂ سانگھڑ کے موقع پر استقبال اور جلسے کے حوالے سے تیاریاں مکمل کرلی گئی ہیں۔ مختلف مقامات پر استقبالیہ انتظامات کیے گئے ہیں جبکہ کارکنان کی جانب سے بھرپور شرکت کی تیاریاں بھی جاری ہیں۔
محمد سہیل آفریدی اپنے خطاب میں ملکی سیاسی صورتحال، عوامی مسائل اور تحریک انصاف کے آئندہ لائحہ عمل کے حوالے سے اظہارِ خیال کریں گے۔
وزیراعلیٰ خیبرپختونخوا کا سندھ کا یہ دورہ اسٹریٹ موومنٹ کے سلسلے میں جاری پانچ روزہ دورے کا حصہ ہے، جس کے دوران وہ مختلف شہروں میں عوام اور کارکنان سے ملاقاتیں اور خطابات کر رہے ہیں۔
سانگھڑ میں وزیراعلیٰ خیبرپختونخوا کی آمد کے موقع پر سیاسی سرگرمیاں عروج پر پہنچنے کا امکان ہے۔