سیالکوٹ ۔سلیم احمد اعوان شیخو
ہیڈ مرالہ کے علاقہ میں ڈاکو گھر میں داخل ہو کر اسلحہ کی نوک پر کروڑوں روپے مالیت کا سونا،ملکی و غیر ملکی کرنسی لوٹ کر فرار ہو گئے۔بتایا گیا ہے کہ تھانہ ہیڈمرالہ کے علاقہ چَک ہَڑو میں اسلحہ سے لیس پانچ نامعلوم ڈاکو بیرون ملک مقیم ملک علی قاسم کے گھر داخل ہو گئے گھر میں موجود اہل خانہ کو یرغمال بنا کر کے کمرے میں بند کردیا جبکہ ڈاکوؤں نے گھر میں موجود الماریوں سے ساڑھے تین کروڑ روپے کے مالیت کا سونا،95 ہزار سعودی ریال اور ایک لاکھ روپے پاکستانی لوٹ کر فرار ہوگئے۔متاثرہ خاندان نے انسپکٹر جنرل آف پولیس پنجاب عبدالکریم اور ریجنل پولیس آفیسر گوجرانوالہ ریجن ختم حیدر اور ڈسٹرکٹ پولیس آفیسر سیالکوٹ کیپٹن ریٹائرڈ دوست محمد سے ڈاکوؤں کی جلد گرفتاری کا مطالبہ کیا ہے جبکہ تھانہ ہیڈ مرالہ کی پولیس مصروف تفتیش ہے۔