لیاقت پور(تحصیل رپورٹر)
لیاقت پور گورنمنٹ کالونی ہائی اسکول سے بہترین یادیں ساتھ لیکر جا رہا ہوں کالونی سکول میں گزرنے والا وقت ہمیشہ یاد رہے گا ترقی ملنے کے باوجود اداس دل کے ساتھ یہاں سے رخصت ہو رہا ہوں پرنسپل گورنمنٹ کالونی ہائی اسکول محمد ریاض کا سکول اساتذہ اور طلبہ سے خطاب تفصیل کے مطابق گورنمنٹ بوائز سیکنڈری اسکول مہاجر کالونی لیاقت پور میں اسکول کے پرنسپل محمد ریاض کی گریڈ 20 میں ترقی کے بعد گورنمنٹ ماڈل ہائی اسکول خانپور میں بطور پرنسپل تعیناتی اور اسکول کے ٹیچر طارق نذیر کے تبادلے کے بعد بہاولپور میں تعیناتی کے اعزاز میں ایک پروقار اور شاندار الوداعی تقریب کا انعقاد کیا گیا۔تقریب میں ڈسٹرکٹ ایجوکیشن آفیسر وسیم محبوب سمیت تحصیل بھر کے ہیڈ ماسٹرز، سینئر ہیڈ ماسٹرز اور پرنسپلز نے شرکت کی۔ تقریب میں طارق جمیل خان، سلیم آصف، ناصر حسین، رانا محمد عرفان، رانا مبشر، اللہ رکھا منور، رانا محمد ندیم، دلشاد گھمن اور شیخ عابد سمیت دیگر تعلیمی افسران و سربراہانِ ادارہ شامل تھے۔اس موقع پر ڈسٹرکٹ ایجوکیشن آفیسر وسیم محبوب، طارق جمیل خان، سلیم آصف اور اسکول کے انچارج پرنسپل نصیر احمد فرخ نے اظہارِ خیال کرتے ہوئے محمد ریاض کی بطور پرنسپل انجام دی جانے والی تعلیمی و انتظامی خدمات کو سراہا اور انہیں خراجِ تحسین پیش کیا۔ مقررین نے طارق نذیر کی تدریسی خدمات کو بھی قابلِ قدر قرار دیا۔
اسکول کے اسٹاف کی جانب سے معزز مہمانانِ گرامی کا پرتپاک استقبال کیا گیا۔ تقریب کے دوران محمد ریاض اور طارق نذیر کے لیے نیک تمناؤں کا اظہار کرتے ہوئے ان کی نئی ذمہ داریوں میں کامیابی اور مزید ترقی کے لیے دعائیں کی گئیں۔محمد ریاض، پرنسپل گورنمنٹ ماڈل ہائی اسکول خانپور نے تقریب سے خطاب کرتے ہوئے اساتذہ اور اسکول اسٹاف کا شکریہ ادا کیا اور تقریب کے انعقاد پر اپنی خوشی اور تشکر کا اظہار کیا۔تقریب کے دوران مہمانانِ گرامی کی جانب سے محمد ریاض اور طارق نذیر کو خوبصورت تحائف بھی پیش کیے گئے۔ تقریب کے اختتام پر اسکول کے پرنسپل اور اسٹاف کی جانب سے شرکائے تقریب کے اعزاز میں شاندار ضیافت کا اہتمام کیا گیا۔