کراچی :پاکستان کے عالمی و مقامی مارکیٹوں میں بدھ کو بھی چاندی اور سونے کی قیمتوں میں کمی ریکارڈ کی گئی۔
عالمی بلین مارکیٹ میں سونا 113 ڈالر کی نمایاں کمی سے 4315 ڈالر فی اونس کا ہوگیا۔
بین الاقوامی مارکیٹ میں سونے کے نرخ میں کمی کے باعث مقامی سطح پر بھی فی تولہ سونا 11300 روپے کی بڑی کمی سے 4 لاکھ 54 ہزار 36 روپے کا ہوگیا۔
اسی طرح دس گرام سونے کی قیمت بھی 9688 روپے کی بھاری کمی سے 3 لاکھ 89 ہزار 262 روپے ہوگئی۔
یاد رہے کہ منگل کو سونے کی فی تولہ قیمت 800 روپے کی کمی سے 4 لاکھ 65 ہزار 336 روپے ہوگئی تھی۔
دوسری جانب چاندی کی فی تولہ قیمت 270 روپے کی کمی سے 6859 روپے ہوگئی۔
