سکھر ( رپورٹ/ عبد الرحمان راجپوت )
سکھرجماعت اصلاح المسلمین سندھ کے صوبائی وفد نے سکھر کا تنظیمی دورہ کیا، جس میں گزشتہ 8 ماہ کے تنظیمی ریکارڈ، کارکردگی اور آئندہ کے لائحہ عمل کا تفصیلی جائزہ لیا گیا۔صوبائی وفد میں پریس سیکریٹری ڈاکٹر سعید اعوان، فنانس سیکریٹری خلیفہ محمد اقبال سوھو، معاون صدر خلیفہ نیاز احمد راجپر اور معاون صدر خلیفہ اشرف جتوئی شامل تھے۔ وفد کے المرکز انوار طاہریہ سائیٹ ایریا سکھر پہنچنے پر ضلعی عہدیداران اور معاونین نے ان کا پرتپاک استقبال کیا۔اجلاس کے دوران ضلعی صدر خلیفہ محمود علی میمن نے سپاس نامہ جبکہ جنرل سیکریٹری حافظ جمیل احمد نے 8 ماہ کی کارکردگی اور تنظیمی رپورٹ پیش کی۔تنظیمی نشست سے خطاب کرتے ہوئے صوبائی پریس ترجمان ڈاکٹر سعید اعوان نے کہا ہمارے قائد و رہبر، فخرِ انسانیت سجن سائیں ہمیں ایسا کردار ادا کرتے دیکھنا چاہتے ہیں جو وطنِ عزیز پاکستان کی ترقی، خوشحالی، سرسبز و شاداب بنانے، اور تعلیم و صحت کے فروغ میں اپنا مؤثر کردار ادا کرے جماعت اصلاح المسلمین کا پیغام صرف ذات کی اصلاح تک محدود نہیں بلکہ محبت، امن، بھائی چارے اور انسانیت کی خدمت کو عام کرنا ہے۔ دینِ اسلام کا حقیقی پیغام رواداری اور خدمتِ خلق ہے، اور دکھی انسانیت کے کام آنا بھی عبادت کا اہم ترین حصہ ہے۔صوبائی وفد نے ضلع سکھر کے عہدیداران کی کاوشوں کو سراہتے ہوئے تنظیمی نیٹ ورک کو مزید فعال اور مضبوط بنانے کے عزم کا اعادہ کیا۔اس موقع پر آصف علی راجپوت طاہری، صبغت اللّٰہ میمن طاہری، خلیفہ حسیب احمد راھوجو طاہری، خلیفہ میر محمد عباسی طاہری، نصیب احمد راہوجو طاہری، تاج محمد لکھن طاہری، رضوان مصطفیٰ طاہری، خلیفہ اعجاز علی منگی طاہری، حافظ محمد عمر طاہری، محمد خان عباسی اور علی خان عباسی نے بھی شرکت کی۔دورے کے اختتام پر ملکی سلامتی، استحکام، ترقی و خوشحالی، امتِ مسلمہ کے اتحاد اور دکھی انسانیت کی بھلائی کے لیے خصوصی دعا کی گئی۔