نیکوسیا / گرنے:بحیرہ روم میں قبرص کے ساحل کے قریب ایک بڑا بحری حادثہ پیش آیا ہے جہاں گرنے پورٹ سے روانہ ہونے والا ایک مسافر بحری جہاز ساحل سے محض 2 سے 3 کلومیٹر کے فاصلے پر الٹ گیا۔ اس حادثے کے نتیجے میں جہاز پر سوار 250 سے زائد مسافر کھلے سمندر میں پھنس گئے ہیں جن کی زندگیوں کو بچانے کے لیے ریسکیو آپریشن جاری ہے۔
Terrifying footage captures the moment a passenger ferry with 279 people capsizes off the coast of Northern Cyprus.
Passengers can be seen scrambling onto the overturned keel and jumping into open water as the ship went down just miles after departing the port of Kyrenia.
— Predictivemoney (@Predictivemoney) August 30, 2026
اطلاعات کے مطابق حادثے کی اطلاع ملتے ہی متعلقہ اداروں نے فوری طور پر ہنگامی حالت نافذ کر دی۔ کوسٹ گارڈ کی تیز رفتار کشتیاں، سول بحری جہاز اور امدادی ہیلی کاپٹرز جائے وقوعہ کی طرف روانہ کر دیے گئے ہیں جو ڈوبنے والے مسافروں کو تلاش کرنے اور انہیں محفوظ مقام پر منتقل کرنے کی ریسکیو دوڑ میں مصروف ہیں۔
ابتدائی اطلاعات کے مطابق جہاز اچانک توازن کھونے کے بعد الٹ گیا، جس سے مسافروں میں شدید بھگدڑ مچ گئی۔ سمندر میں موجود شدید لہروں اور موسمی حالات کی وجہ سے امدادی کارروائیوں میں مشکلات کا بھی سامنا ہے، تاہم ریسکیو ٹیمیں اپنی پوری طاقت کے ساتھ مسافروں کو بچانے کے لیے برسرِ پیکار ہیں۔ حکام کا کہنا ہے کہ حادثے کی وجوہات جاننے کے لیے تحقیقات کا آغاز کر دیا گیا ہے، جبکہ اولین ترجیح تمام مسافروں کی بحفاظت بازیابی کو یقینی بنانا ہے۔