بلوچستان رحمت اللہ بلوچ بیوروچیف بے نقاب نیوز)
سریا ب روڈ: ون وے کی خلاف ورزی پر ٹریفک پولیس کی بڑی کارروائی، 100 سے زائد چالان
کوئٹہ کے علاقے سریا ب روڈ پر ون وے (One-way) کے قانون کی سنگین خلاف ورزی کرنے والوں کے خلاف پی ایس پی سریا ب ٹریفک پولیس کی جانب سے سخت اقدام اٹھایا گیا ہے۔آج کی گئی خصوصی کارروائی کے دوران 100 سے زائد گاڑیوں اور سواریوں کو چالان ٹکٹ جاری کیے گئے، جن میں بالخصوص موٹر سائیکلز، گاڑیاں اور رکشے شامل ہیں۔ یہ تمام ٹریفک کی روانی میں خلل ڈالنے اور غلط سمت (One-way) میں گاڑی چلانے میں ملوث پائے گئے۔ٹریفک حکام کے مطابق قانون کی پاسداری نہ کرنے والوں کے خلاف بلا تفریق کارروائی جاری رہے گی تاکہ حادثات سے بچا جا سکے اور شہر میں ٹریفک نظام کو بہتر بنایا جا سکے۔