بلوچستان رحمت اللہ بلوچ بیوروچیف بے نقاب نیوز)
ڈپٹی کمشنر قلات انجینئر عائشہ زہری نے گورنمنٹ گرلز ڈگری کالج کا اچانک دورہ کیا۔
اس موقع پر پرنسپل گرلز ڈگری کالج محترمہ عدیلہ زیب نے ڈپٹی کمشنر کو کالج کے مختلف شعبوں کا دورہ کرایا اور کالج میں دستیاب بنیادی سہولیات، درپیش مسائل، اسٹاف کی تعداد، اساتذہ کی حاضری، کلاس رومز میں طالبات کی تعداد، جاری کورسز، لائبریری میں دستیاب کتابوں سمیت نئی تعمیر شدہ عمارت کے معیار اور دیگر امور کے حوالے سے تفصیلی بریفنگ دی۔دورے کے دوران متعدد اساتذہ غیر حاضر پائے گئے۔ ڈپٹی کمشنر انجینئر عائشہ زہری نے طالبات سے ملاقات کی اور ان کے مسائل دریافت کیے۔
ڈپٹی کمشنر نے کالج میں نئی تعمیر شدہ عمارت میں ناقص مٹیریل کے استعمال پر شدید برہمی کا اظہار کرتے ہوئے متعلقہ حکام سے تفصیلی رپورٹ طلب کرنے کا فیصلہ کیا۔
اس موقع پر ڈپٹی کمشنر انجینئر عائشہ زہری نے کہا کہ تعلیم کے شعبے پر کسی قسم کا سمجھوتہ نہیں کیا جائے گا۔ کالج میں تعینات تمام اساتذہ اپنی حاضری یقینی بنائیں، بصورتِ دیگر ان کے خلاف سخت کارروائی عمل میں لائی جائے گی۔ اساتذہ اپنی تمام تر توجہ طالبات کی تعلیم و تربیت پر مرکوز رکھیں۔ بہتر تعلیم ہی سے ملک و قوم کی ترقی ممکن ہے، جبکہ تعلیم ہی انسان کو جہالت کے اندھیروں سے نکال کر ترقی کی راہ پر گامزن کر سکتی ہے۔
انہوں نے کہا کہ کالج کو درپیش مسائل کے حل کے لیے ضلعی انتظامیہ ہر ممکن تعاون جاری رکھے گی۔