بلوچستان رحمت اللہ بلوچ بیوروچیف بے نقاب نیوز)
پاکستان مسلم لیگ (ن) کی صوبائی ورکنگ کمیٹی کے رہنما، ضلعی انفارمیشن سیکریٹری و سابق امیدوار صوبائی اسمبلی میر شعیب احمد گاجی زئی نے کوسٹل ہائی وے پر اورماڑہ کے علاقے میں پیش آنے والے المناک ٹریفک حادثے میں فشریز انسپکٹر تربت عطاء اللہ نوشیروانی اور ان کے اہلِ خانہ کے انتقال پر گہرے دکھ اور افسوس کا اظہار کیا ہے۔انہوں نے سوگوار خاندان سے دلی تعزیت اور ہمدردی کا اظہار کرتے ہوئے کہا کہ اس المناک حادثے میں قیمتی انسانی جانوں کا ضیاع انتہائی افسوسناک اور ناقابلِ تلافی نقصان ہے۔ غم کی اس گھڑی میں ہم لواحقین کے دکھ میں برابر کے شریک ہیں۔انہوں نے دعا کی کہ اللہ تعالیٰ مرحومین کو جنت الفردوس میں اعلیٰ مقام عطا فرمائے، ان کی مغفرت فرمائے اور سوگوار خاندان کو یہ ناقابلِ تلافی صدمہ صبر و حوصلے کے ساتھ برداشت کرنے کی توفیق عطا فرمائے۔
