اسلام آباد :وفاقی وزیر داخلہ محسن نقوی نے منگل کو امریکی ناظم الامور نیٹلی بیکر سے ملاقات کی جس میں خطے کی مجموعی صورت حال، امن و استحکام اور دیگر امور پر تبادلہ خیال کیا گیا۔
یہ ملاقات ایک ایسے وقت ہوئی جب محسن نقوی فیلڈ مارشل عاصم منیر کے ساتھ ایران کا اہم دورہ مکمل کر کے آج ہی وطن واپس لوٹے ہیں۔
وزارت داخلہ سے جاری بیان کے مطابق ملاقات میں خطے کی صورت حال کے ساتھ مختلف شعبوں میں پاکستان اور امریکہ کے درمیان تعاون مزید بڑھانے کے امکانات پر بھی گفتگو ہوئی۔
اسلام آباد، وزیر داخلہ محسن نقوی سے امریکی ناظم الامور کی ملاقات۔
خطے کی مجموعی صورتحال اور امن و استحکام سے متعلق امور پر تبادلہ خیال۔
مختلف شعبوں میں تعاون بڑھانے سے متعلق امور پر بھی بات چیت۔
پولیس آفیسرز کے باہمی پروگرامز اور ٹریننگ سے متعلق گفتگو۔
منظم جرائم، منشیات اور… pic.twitter.com/5mxrVRSd0l— PTV News (@PTVNewsOfficial) August 25, 2026
ملاقات کے دوران پولیس افسران کے باہمی پروگرامز اور تربیتی اقدامات سے متعلق امور بھی زیر بحث آئے۔
دونوں جانب سے منظم جرائم، منشیات اور انسانی سمگلنگ کے خلاف باہمی تعاون بڑھانے پر اتفاق کیا گیا۔
اس موقعے پر امریکی ناظم الامور نے خطے میں امن و استحکام کے لیے فیلڈ مارشل کے مثبت سفارتی کردار کو بھی سراہا۔
ملاقات میں وفاقی سیکریٹری داخلہ بھی موجود تھے۔
اس سے قبل پاکستان فوج کے شعبہ تعلقات عامہ (آئی ایس پی آر) نے بتایا کہ فیلڈ مارشل عاصم منیر کا دورہ ایران ایرانی صدر، سپریم لیڈر کے نمائندے سمیت دیگر اعلیٰ شخصیات سے ملاقات کے بعد مکمل ہو گیا۔
آئی ایس پی آر نے پیر اور منگل کی درمیانی شب جاری ایک بیان میں کہا فیلڈ مارشل عاصم منیر اور وزیر داخلہ محسن نقوی کا یہ دورہ جاری امریکہ – ایران تنازعے کے خاتمے کے لیے پاکستان کی سفارتی کوششوں اور خطے میں پائیدار امن اور مستقل طور پر عدم استحکام کے خاتمے کے لیے راستے تلاش کرنے کے سلسلے میں کیا گیا۔
پاکستانی فیلڈ مارشل عاصم منیر محسن نقوی کے ہمراہ پیر کی صبح تہران پہنچے تھے، جہاں انہوں نے ایران کے صدر ڈاکٹر مسعود پزشکیان، سپریم لیڈر کے نمائندے برائے سپریم نیشنل سکیورٹی کونسل محسن رضائی، ایران کی پارلیمنٹ کے سپیکر محمد باقر قالیباف، ایرانی وزیرِ خارجہ سید عباس عراقچی اور ایرانی وزیرِ داخلہ سکندر مومنی سے ملاقاتیں کیں۔
ایرانی صدر سے ملاقات کو محسن نقوی نے ’انتہائی مثبت اور نتیجہ خیز‘ قرار دیا۔
انہوں نے ایکس پر ایک بیان میں کہا ’فیلڈ مارشل سید عاصم منیر اور میری ایران کے صدر کے ساتھ انتہائی مثبت اور نتیجہ خیز ملاقات ہوئی۔
’ہماری گفتگو میں ایران-امریکہ تنازع، مشرقِ وسطیٰ میں کشیدگی اور آگے بڑھنے کے راستے پر تبادلہ خیال کیا گیا۔ وفاقی وزیر داخلہ محسن نقوی نے منگل کو امریکی ناظم الامور نیٹلی بیکر سے ملاقات کی جس میں خطے کی مجموعی صورت حال، امن و استحکام اور دیگر امور پر تبادلہ خیال کیا گیا۔
یہ ملاقات ایک ایسے وقت ہوئی جب محسن نقوی فیلڈ مارشل عاصم منیر کے ساتھ ایران کا اہم دورہ مکمل کر کے آج ہی وطن واپس لوٹے ہیں۔