حیدرآباد: ایکٹر محسن خان، جو ‘یہ رشتہ کیا کہلاتا ہے’ میں کارتک کا کردار نبھانے کے
لیے جانے جاتے ہیں، نے سنیچر کے روز سوشل میڈیا پر اپنی منگنی کا اعلان کر کے اپنے مداحوں (فینز) کو سرپرائز دے دیا۔ محسن نے ایک چھوٹی سی تقریب کی تصاویر شیئر کیں اور اپنے سول میٹ کے بارے میں ایک پیارا سا نوٹ لکھا۔
22 اگست کی دیر رات، محسن نے اپنے انسٹاگرام پر اپنی منگنی کی تصاویر پوسٹ کیں، جن میں وہ اپنی منگیتر کے ساتھ خوشی خوشی پوز دیتے ہوئے نظر آ رہے ہیں۔ ان تصاویر میں ان کی لو اسٹوری کی جھلک صاف دیکھی جا سکتی ہے۔
تصاویر شیئر کرتے ہوئے محسن نے کیپشن میں ایک پیارا سا نوٹ لکھا، جس میں انہوں نے بتایا کہ انہیں ان کی سول میٹ کیسے ملی۔ انہوں نے لکھا کہ ‘اللّٰھُمَّ بَارِک۔ یا اللہ، تو یہ کریزی، خوبصورت، پراعتماد، حساس لڑکی، جو ہمیشہ ہنستی اور چڑاتی ہے، امید کرتی اور دعا کرتی ہے، ہمیشہ ناچتی اور گاتی ہے، میرے لیے آسمان پر لکھ دی گئی تھی۔ جب ہم نے پہلی بار ایک دوسرے کو دیکھا، جب میں نے پہلی بار تمہارا ہاتھ پکڑا، اور جب تم نے پہلی بار ‘ہم تو بھائی جیسے ہیں ویسے رہیں گے’ گایا، تو مجھے معلوم ہو گیا تھا کہ میرے اندر کچھ شانت (پرسکون) ہو گیا ہے۔ کیوں کہ مجھے میرا ہمسفر مل گیا تھا۔’
نوٹ میں آگے لکھا کہ ‘مجھ سے ہمیشہ کہا جاتا تھا کہ جب آپ کا ‘فار ایور پرسن’ (ہمیشہ ہمیش کا ساتھی) آئے گا، تو یہ کسی نہ کسی طرح آپ کا سب سے آسان اور پھر بھی سب سے ضروری فیصلہ ہو گا۔ شاید ہماری کہانی پہلے سے ہی لکھی ہوئی تھی یا شاید، زندگی میں ایک بار، دو لوگ ٹھیک اسی لمحے ایک دوسرے کو پا لیتے ہیں جس لمحے وہ ہمیشہ کے لیے بنے تھے۔’
محسن نے اپنی لیڈی لو کے لیے ان کی پسندیدہ فلم کی ایک لائن بھی نوٹ میں شیئر کی ہے، جس میں لکھا ہے، ‘میں تمہاری پسندیدہ فلم سے ایک کوٹ (جملہ) کہنا چاہتا ہوں مائی لو، "محبت کیا ہوتی ہے یہ تو میں نہیں جانتا، لیکن اس کے لیے دل سے ایک دعا ضرور نکلتی ہے کہ اس کی آنکھوں میں کبھی آنسو نہ آئیں، ہمیشہ ہنستی رہے، اب اسے محبت کہیں تو محبت ہی سہی”۔ ہم نے جتنے بھی وعدے کیے ہیں اور جتنے بھی خواب ہمیں ابھی دیکھنے ہیں، ان میں سے شاید سب سے خوبصورت یہ ہے؛ ایک دوسرے میں اپنا گھر ڈھونڈنا۔ یہ ہمارے لیے ہے، مائی لو، اور ہمارے ہمیشہ کے سفر کی شروعات کے لیے۔’
تصویروں میں ان کی منگنی کی تقریب کی بھی قریب سے جھلک دیکھنے کو ملی، جس میں تمنا اپنے سرخ گاؤن میں بے حد خوبصورت لگ رہی تھیں۔ ایک تصویر میں وہ فخر سے اپنی منگنی کی انگوٹھی دکھاتی ہوئی نظر آئیں۔ محسن کے اس اعلان کو شیئر کرنے کے فوراً بعد، انٹرٹینمنٹ انڈسٹری کے متعدد دوستوں اور مشہور سیلیبریٹیز نے جوڑے کو پیار اور مبارکباد کے پیغامات بھیجے۔ شردھا آریا، سونیا ایودھیا، ادیتی ملک، سمپل کول، کنیکا مان، ایشا سنگھ، دیویا اگروال اور کئی دیگر نامور شخصیات نے محسن خان کو ان کی منگنی پر مبارکباد دی۔
محسن خان کی منگیتر تمنا کون ہیں؟
ابھی تمنا کے بارے میں بہت کم معلومات دستیاب ہیں۔ ایسا لگتا ہے کہ دونوں نے ہی اپنے رشتے کو میڈیا اور لوگوں کی نظروں سے دور رکھا ہے۔ کچھ ابتدائی رپورٹس میں انہیں نان-انڈسٹری پارٹنر (جس کا تعلق شوبز انڈسٹری سے نہ ہو) بتایا گیا ہے، لیکن محسن نے ان کے پیشے یا ان سے پہلی ملاقات کیسے ہوئی، اس بارے میں کوئی تفصیلات شیئر نہیں کی ہیں۔