منچن آباد (بیوروچیف رپورٹ )
پنجاب حکومت نے صوبے بھر کے تمام سرکاری اسکولوں میں 12 ربیع الاول مذہبی عقیدت و احترام کے ساتھ منانے کی ہدایت کردی ہے۔اس موقع پر اسکولوں میں تلاوتِ قرآن پاک، نعت خوانی، تقریری و مضمون نویسی کے مقابلوں کے ساتھ ساتھ سیرتِ طیبہ اور حضور اکرم ﷺ کی حیات و تعلیمات کو اجاگر کرنے کے لیے کوئز بھی منعقد کیے جائیں گے۔ ضلعی افسرانِ تعلیم سرگرمیوں کے انتظامات کی نگرانی کریں گے، جبکہ اسکولوں کو اسی روز کی تعمیلی رپورٹ تصاویر اور ویڈیوز سمیت جمع کرانے کی ہدایت کی گئی ہے۔ تمام تیاریاں مقررہ وقت پر مکمل کرنے کا بھی حکم دیا گیا ہے۔
پنجاب میں 12 ربیع الاول بدھ، 26 اگست کو منایا جائے گا، جس کے تحت صوبے بھر کے اسکولوں میں مختلف سیرت النبی ﷺ کی سرگرمیوں کا انعقاد کیا جائے گا۔