سبی ( بے نقاب نیوز کے ڈسڑکٹ رپوٹر محمداسلم خجک کی رپوٹ)
"رات کی تاریکی میں امید کی کرن ،اولڈ کینٹ کے لائن سپرینڈنٹ محمد بخش بلوچ اور واپڈا ٹیم کی بروقت کارروائی سے بجلی بحال” رات تقریبا ڈیڑھ بجے ،اولڈ کینٹ کے علاقے کی میں بجلی کی مین لائن کی تار واپڈا گریڈ کے بیک سائیڈ پر ٹوٹ کر گر گئی جس کے باعث پورے علاقے کی بجلی معطل ہو گئی۔ جیسے ہی لائن سپرنٹنڈنٹ ،اولڈ کینٹ جناب محمد بخش بلوچ کو اطلاع ملی انہوں نے کسی قسم کی تاخیر کے بغیر واپڈا کی ٹیم کو فوری طور پر موقع پر پہنچنے کی ہدایت کی۔
واپڈا ٹیم نے رات کے اندھیرے اور گرمی کے باوجود انتہائی جانفشانی، محنت اور پیشہ ورانہ مہارت کا مظاہرہ کرتے ہوئے چند ہی گھنٹوں میں تار کی مرمت مکمل کر کے بجلی بحال کر دی۔علاقہ مکینوں نے اس موقع پر کہا کہ اس سخت موسم اور رات کے وقت اس قدر فوری رسپانس قابلِ تحسین ہے۔ لائن سپرنٹنڈنٹ محمد بخش بلوچ صاحب کی نگرانی اور واپڈا کے عملے کی لگن نے ثابت کر دیا کہ محکمہ عوامی خدمت کے لیے ہمہ وقت تیار ہے۔شہریوں نے حکام بالا سے اپیل کی کہ ایسے محنتی اور فرض شناس افسران و عملے کی حوصلہ افزائی کی جائے تاکہ وہ اسی جذبے سے عوام کی خدمت کرتے رہے عوام نے محمد بخش بلوچ اور واپڈاکی پوری ٹیم کو دل کی گہرائیوں سے سلام اور دعائیں پیش کیں۔
