مٹیاری رپورٽ عامر علی انڑ
پسند کی شادی کرنے والے نوجوان کے مبینہ اغوا کے خلاف وارثوں اور اہلیہ کی جانب سے ہالا کی قومی شاہراہ پر دونوں اطراف سے روڈ بلاک کرکے دھرنا دیا گیا، جس کے باعث ٹریفک معطل ہوگئی اور گاڑیوں کی طویل قطاریں لگ گئیںتفصیلات کے مطابق تین ماہ قبل نواب شاہ کے علاقے جام صاحب کی رہائشی صنم گل نے حیدرآباد کی عدالت میں ہالا کے رہائشی نوجوان صدام حسین سولنگی سے پسند کی شادی کی تھی اہلخانہ نے الزام عائد کیا کہ آج صنم گل کے بھائی شان ڈاہری، ایڈووکیٹ سکندر ڈاہری، اللہ بخش ڈاہری اور دیگر افراد مبینہ طور پر صدام حسین سولنگی کو ہالا کے شاہ زمان ہوٹل سے زبردستی اپنے ساتھ لے گئے مببینہ اغوا کے خلاف صدام حسین کی والدہ مسمات سلیم خاتون، اہلیہ صنم گل اور عبدالسلام سولنگی کی قیادت میں سولنگی برادری کے مرد و خواتین بڑی تعداد میں قومی شاہراہ پر پہنچ گئے اور دونوں اطراف پتھر رکھ کر دھرنا دے دیا مظاہرین نے شدید نعرے بازی کرتے ہوئے مطالبہ کیا کہ صدام حسین سولنگی کو فوری طور پر بازیاب کرایا جائے۔ مظاہرین کا کہنا تھا کہ صدام حسین کو بااثر ڈاہری برادری کے افراد سے جانی خطرہ ہے مظاہرین نے خبردار کیا کہ جب تک صدام حسین سولنگی کو بازیاب نہیں کرایا جاتا، ہالا کے مقام پر قومی شاہراہ بند رہے گی۔