سیالکوٹ : سلیم احمد اعوان شیخو
صوبائی وزیر قانون پنجاب رانا محمد اقبال خان نے ممبر صوبائی اسمبلی پنجاب حلقہ پی پی 49 پسرور و پارلیمانی سیکرٹری برائے ایریگیشن رانا محمد فیاض کی ہمشیرہ کے انتقال پر گہرے دکھ اور افسوس کا اظہار کیا ہے۔
صوبائی وزیر قانون رانا محمد اقبال خان نے پسرور کے علاقہ شاہ حسین میں رانا محمد فیاض کے ڈیرے پر پہنچ کر ان سے اور اہل خانہ سے ملاقات کی اور مرحومہ کے انتقال پر دلی تعزیت اور ہمدردی کا اظہار کیا۔
اس موقع پر صوبائی وزیر قانون رانا اقبال نے مرحومہ کے ایصالِ ثواب کے لیے فاتحہ خوانی کی اور دعا کی کہ اللہ تعالیٰ مرحومہ کو جوارِ رحمت میں اعلیٰ مقام عطا فرمائے، ان کی مغفرت فرمائے اور پسماندگان کو یہ صدمہ صبر و حوصلے کے ساتھ برداشت کرنے کی توفیق عطا فرمائے۔ دکھ کی اس گھڑی میں وہ رانا محمد فیاض اور ان کے اہل خانہ کے غم میں برابر کے شریک ہیں۔رانا محمد فیاض نے صوبائی وزیر قانون رانا محمد اقبال خان کی آمد، تعزیت اور اظہارِ ہمدردی پر ان کا شکریہ ادا کیا۔ملاقات کے دوران علاقہ معززین، سیاسی و سماجی شخصیات اور دیگر افراد بھی موجود تھے۔