”انڈین وائرس بیٹا جی تک بھی پہنچ گیا“،دفترِ خارجہ کا شیخ حسینہ کے بیٹے کے آئی ایس آئی سے متعلق الزامات پر کرارا جواب

اسلام آباد :دفترِ خارجہ نے بنگلہ دیش کی سابق وزیراعظم شیخ حسینہ واجد کے بیٹے اور سابق مشیر سجیب واجد جوئے کے اس الزام کو قطعی طور پر مسترد کر دیا ہے جس میں انہوں نے بنگلہ دیش کے اندرونی معاملات میں پاکستانی خفیہ ادارے ’آئی ایس آئی‘ کے ملوث ہونے کا دعویٰ کیا تھا۔
پاکستانی دفترِ خارجہ کے ترجمان طاہر اندرابی نے جمعرات کو سجیب واجد کے بیان پر ردعمل دیتے ہوئے کہا کہ ’پاکستان بنگلہ دیش میں آئی ایس آئی کے کردار سے متعلق کسی بھی قسم کے اشارے یا الزام کو مکمل طور پر مسترد کرتا ہے۔‘
ترجمان نے انڈین اثر و رسوخ کی جانب اشارہ کرتے ہوئے مزید کہا کہ ’انڈیا آئی ایس آئی کے معاملے میں حد سے زیادہ غیر محفوظ (پیرا نائڈ) ہے اور چونکہ یہ موصوف (حسینہ واجد کے بیٹے) خود بھی انڈیا میں مقیم ہیں، اس لیے لگتا ہے کہ یہ وائرس اب ان تک بھی پہنچ چکا ہے۔‘
سجیب واجد نے انڈیا کو متوجہ کرتے ہوئے کہا کہ ’انڈیا کی مشرقی سرحد پر اب ایک اور پاکستان بن چکا ہے‘ اور ان کا ماننا تھا کہ یہ صورتِ حال انڈیا اور خطے کی سکیورٹی کے لیے سنگین خطرہ ہے