لاہور اور فیصل آباد میں گھروں کی چھتیں گرنےسے ملبے تلے دب کردو کمسن بہن بھائی سمیت 9 افراد جاں بحق ہو گئے۔ دوزخمیوں کو اسپتال داخل کرادیاگیا
رپورٹ کے مطابق ریسکیو حکام کا کہنا ہے کہ باغبانپورہ کے علاقے کوٹلی دین محمد کالونی رشید پورہ کے قریب مکان کی چھت گرانے سے ملبے تلے دب کر 7 افراد جان کی بازی ہار گئےجبکہ 3 افراد زخمی ہوگئے۔
ریسکیو حکام کے مطابق زخمیوں کو طبی علاج کیلئے فوری قریبی ہسپتال منتقل کیا گیا ہے اور ملبہ ہٹانے کا کام جاری ہے۔
فیصل آباد کے علاقے تلیانوالہ میں مکان کی چھت گرنے سے 2 کمسن بھائی جاں بحق جبکہ ماں اور کمسن بیٹا شدید زخمی ہوگئے۔
نجی ٹی وی چینل کے مطابق جاں بحق بچوں میں 5 سالہ سبحان اور 6 ماہ کا رضوان شامل ہے، اطلاع پر پولیس کی بھاری نفری اور امدادی ٹیمیں بھی موقع پر پہنچ گئیں، امدادی ٹیموں نے جاں بحق ہونے والے بچوں کی لاش کو ضروری کارروائی کیلئے ہسپتال منتقل کر دیا۔
پولیس حکام نے بتایا کہ زخمی ہونے والوں میں 6 سالہ احمد اور اسکی والدہ رضوانہ شامل ہے، زخمیوں کو بھی طبی امداد کیلئے ہسپتال منتقل کر دیا گیا ہے، واقعہ کی تحقیقات شروع کر دی گئی ہے۔
لاہور اور فیصل آباد میں گھروں کی چھتیں گرنےسے دو کمسن بہن بھائی سمیت 9 افراد جاں بحق
