سیالکوٹ ۔سلیم احمد اعوان شیخو ۔
صوبائی وزیر مواصلات ملک صہیب احمد بھرتھ نے سیالکوٹ میں پلوں کے تعمیراتی منصوبوں کا دورہ کیا۔سیکرٹری سی اینڈ ڈیبلیو راجہ جہانگیر انور ، چیف انجنئیرز ، ایکسین اور مکینیکل اور برج ڈائریکٹوریٹ ٹیم بھی ہمراہ تھی جبکہ مذکورہ وزیر نے ٹیم کے ہمراہ سید پور اور بجوات روڈ پر زیر تعمیر سبمرسبل پل کی پیش رفت کا تفصیلی جائزہ لیا اور بڈیانہ چونڈہ،ظفروال روڈ پر نالہ ڈیک کے ہنجلی پل کی تعمیراتی سرگرمیوں کا معائنہ کیا۔ایگزیکٹو انجینئر ہائی ویز سیالکوٹ نے منصوبوں کی فزیکل پیش رفت پر بریفنگ دی مذکورہ وزیر نے منصوبوں میں تاخیر پر سخت تشویش کا اظہار بھی کیا۔تمام تعمیراتی کام 15 اگست تک ہر صورت مکمل کرنے کی سخت ہدایت کی گئی بلکہ پلوں کو کو 15 اگست تک ٹریفک کے لئے فعال بنانے کی ہدایت بھی کی گئی۔مذکورہ وزیر نے کہا کہ تعمیراتی معیار پر کوئی سمجھوتہ قبول نہیں کیا جائے گا۔عوام کو محفوظ، معیاری اور بروقت سفری سہولیات کی فراہمی حکومت پنجاب کی اولین ترجیح ہے۔متعلقہ افسران اور ٹھیکیداروں کو مقررہ مدت میں منصوبے مکمل کرنے کی ہدایتحکومت پنجاب شاہراہوں کے انفراسٹرکچر کی بروقت تکمیل اور بہتر سفری سہولیات کے لیے پرعزم ہے۔