کہیں ہلکی اور کہیں تیز ساون کی پہلی بارش موسم خوشگوار ہو گیا

عمر کوٹ سندھ ڈاکٹر ایم لال واگھانی بیوروچیف )

 سامارو، کنری، پتھورو، دھورونارو، بودا فارم روڈ، راہو آباد، صلع، بمبرو اور بچابند سمیت مختلف علاقوں میں بارش ہونے سے شدید گرمی کا زور ٹوٹ گیا، جبکہ کاشتکاروں میں بھی خوشی کی لہر دوڑ گئی۔کاشتکاروں کا کہنا ہے کہ بارش سے فصلوں اور کھیتوں میں نئی جان آ گئی ہے۔ انہوں نے امید ظاہر کی کہ یہ بارش خریف کی فصلوں، خصوصاً کپاس، مرچ اور دیگر فصلوں کے لیے انتہائی فائدہ مند ثابت ہوگی۔
شہریوں کا خدشہ
دوسری جانب سامارو شہر کے رہائشیوں نے خدشہ ظاہر کیا ہے کہ اگر بارش کا سلسلہ اسی طرح جاری رہا تو شہر کو نقصان پہنچ سکتا ہے، کیونکہ شہر میں نکاسیٔ آب کا بڑا مسئلہ موجود ہے۔
شہریوں کے مطابق پیرائمو، میگھواڑ پاڑا، شیڈی پاڑا اور سول اسپتال کے اطراف کے علاقے شدید بارش کی صورت میں زیرِ آب آ سکتے ہیں۔
شہریوں کا ردِعمل
شہریوں نے ساون کی پہلی بارش کا خیرمقدم کرتے ہوئے امید ظاہر کی کہ آئندہ دنوں میں مزید بارشیں ہونے سے نہ صرف موسم مزید خوشگوار ہوگا بلکہ پینے کے پانی کی قلت میں بھی کمی آئے گی۔