بلوچستان رحمت اللہ بلوچ بیوروچیف بے نقاب نیوز)
معروف گورنمنٹ کنٹریکٹر حاجی ریاض احمد رند نے دیگر ٹھیکیداروں کے ہمراہ ڈھاڈر میں پریس کانفرنس کرتے ہوئے محکمہ لوکل گورنمنٹ کچھی کی ٹینڈرنگ پالیسی پر شدید تحفظات کا اظہار کرتے ہوئے بتایا کہ محکمہ لوکل گورنمنٹ کچھی کی جانب سے 20 جولائی کو ٹینڈرز اوپن کرنے کی تاریخ مقرر کی گئی تھی اور تمام ٹھیکیداروں نے اپنی درخواستیں اسسٹنٹ ڈائریکٹر لوکل گورنمنٹ کچھی کے دفتر میں جمع کروانی تھیں تاہم حسب روایت اسسٹنٹ ڈائریکٹر اپنے دفتر میں موجود نہ تھے بلکہ مبینہ طور پر کسی پوش علاقے میں بیٹھ کر ٹینڈرز اوپن کیے گئے جس سے ٹینڈرز کی شفافیت پر سنگین سوالات جنم لیتے ہیں اور یہ خدشہ پیدا ہوگیا ہے کہ من پسند افراد کو نوازنے کی کوشش کی جارہی ہے انہوں نے الزام عائد کرتے ہوئے کہا کہ اس سے قبل بھی اسسٹنٹ ڈائریکٹر لوکل گورنمنٹ کے اسی طرزز عمل کے خلاف عدالت عالیہ سے رجوع کیا گیا جہاں معزز عدالت نے واضح احکامات جاری کیے تھے کہ تمام ٹینڈرز اسسٹنٹ ڈائریکٹر کچھی کے سرکاری دفتر میں کھولے جائیں مگر عدالتی احکامات کے باوجود متعلقہ آفیسر اپنی سابقہ روش پر قائم ہیں اور آج دفتر میں صرف سینئر کلرک اور ایک انجنئیر موجود تھے انہوں نے ڈپٹی کمشنر کچھی، سیکرٹری لوکل گورنمنٹ بلوچستان اور دیگر اداروں سے مطالبہ کیا کہ معاملے کا فوری نوٹس لیتے ہوئے اسسٹنٹ ڈائریکٹر لوکل گورنمنٹ کچھی کو سرکاری دفتر میں ٹینڈرز اوپن کرنے کا پابند بنایا جائے موجودہ ٹینڈرنگ عمل کو منسوخ کرکے شفاف انداز میں ری ٹینڈرز کرائے جائیں تاکہ ٹھیکیدار برادری میں پائی جانے والی تشویش کا خاتمہ ہو اور شفافیت کو یقینی بنایا جاسکے۔