انگلینڈ نے ہندوستان کو پانچویں ٹی ٹوینٹی میں 56 رنز سے شکست دے کر 4-0 سے کامیابی حاصل کی۔ پانچویں ٹی ٹوینٹی میں شکست کے ساتھ ہی ٹی ٹوینٹی آئی سی سی رینکنگ میں ٹیم انڈیا کا دبدبہ ختم ہو گیا ہے۔ انگلینڈ اب ٹی ٹوینٹی میں دنیا کی نمبر ایک ٹیم بن گئی ہے۔ ساؤتھمپٹن میں کھیلے گئے اس میچ میں انگلینڈ نے 257 رنز بنائے۔ جواب میں ہندوستان کی پوری ٹیم صرف 201 رنز بنا سکی۔
ہندوستانی ٹیم نے سیریز کے آخری میچ کے لیے پلیئنگ الیون میں تبدیلیاں کی ۔ ویبھو سوریاونشی کو باہر رکھا گیا تھا، جبکہ سنجو سیمسن تین میچوں سے محروم ہونے کے بعد واپس آئے تھے۔ سیمسن اکیلا کیا کر سکتا تھا، کیونکہ باؤلرز 257 رنز دے چکے تھے۔ سیمسن نے 14 گیندوں پر 27 رنز بنائے۔ اوپنر ابھیشیک شرما مسلسل تیسرے میچ میں ناکام رہے۔
ایشان کشن کے 56 اور تلک ورما کی 53 نصف سنچریاں ٹیم انڈیا کو فتح سے ہمکنار کرنے میں ناکام رہیں، کیونکہ ہدف بہت زیادہ تھا۔ انگلینڈ کی جانب سے جوس بٹلر نے 64 گیندوں پر 131 رنز کی شاندار سنچری اسکور کی جب کہ کپتان ہیری بروک 95 رنز بنا کر ناٹ آؤٹ ہوئے۔ غور طلب ہے کہ ہندوستان کو اس سیریز میں چار شکستوں کا سامنا کرنا پڑا، جو کسی ایک ٹی ٹوینٹی سیریز یا ٹورنامنٹ میں ٹیم انڈیا کے لیے اب تک کی سب سے بڑی شکست ہے۔
ہندوستانی ٹیم فروری 2022 میں نمبر ون ٹی ٹوینٹی ٹیم بنی تھی۔ تقریباً ساڑھے چار سال ہوچکے ہیں، لیکن کوئی بھی ٹیم انڈیا کو ٹی ٹوینٹی رینکنگ میں پیچھے نہیں چھوڑ سکا ہے۔ اس دوران ہندوستانی ٹیم نے دو بار ٹی ٹوئنٹی ورلڈ کپ بھی جیتا ہے۔ لیکن سیریز جیت کر انگلینڈ نے نہ صرف ٹیم انڈیا کا راج ختم کر دیا بلکہ دنیا کی نئی نمبر ایک ٹیم بھی بن گئی۔