نوٹنگھم میں کھیلے گئے تیسرے ٹی ٹونئنٹی میچ میں انگلینڈنے عالمی چیمپیئن انڈیا کو 125رنزسےہرادیا.انڈیا نے ٹاس جیت کرانگلینڈکوبیٹنگ کی دعوت دی انگلینڈنے سات وکٹوں کے نقصان پر201رنزبنائے جواب انڈیا کی بیٹنگ لائن انگلش باولرزکے سامنے ریت کی دیوارثابت ہوئی.
تیسرے ٹی-20 میچ میں ہندوستانی ٹیم نے انگلینڈ دورہ پر اب تک کی سب سے خراب کارکردگی کا مظاہرہ کیا۔ انگلینڈ سے ملے 202 رنوں کے ہدف کا پیچھا کرتے ہوئے ہندوستانی ٹیم محض 76 رنوں پر آؤٹ ہو گئی۔
چند ہی ماہ پہلے کی بات ہے، جب ہندوستانی ٹیم نے ٹی-20 عالمی کپ 2026 کے سیمی فائنل میں انگلینڈ کے خلاف 250 سے زیادہ رنز بنائے تھے۔ پھر فائنل میں نیوزی لینڈ کے خلاف بھی 255 رنز اسکور کر کے خطاب اپنے نام کیا تھا۔ اس کے بعد انہی بلے بازوں نے آئی پی ایل 2026 میں بھی خوب رنز بنائے۔ لیکن اچانک انہی بلے بازوں کو کیا ہو گیا کہ رنز بنانا دشوار ہو گیا؟ یہ ایسا سوال ہے جس نے ہر کسی کو پریشان کر دیا ہے، کیونکہ انگلینڈ کے خلاف تیسرے ٹی-20 میچ میں ہندوستانی ٹیم محض 70 گیندوں کے اندر سمٹ گئی۔ ایسا نہ پہلے کبھی ہوا تھا اور نہ ہی کسی نے اس کا تصور کیا تھا۔
یہ ٹی-20 کرکٹ میں ہندوستانی ٹیم کی مختصر ترین اننگز ہے۔ اس سے پہلے جتنے بھی ٹی-20 مقابلوں میں ہندوستانی ٹیم آل آؤٹ ہوئی، کبھی بھی اتنے کم اوورز میں اس کی اننگز ختم نہیں ہوئی تھی۔ اس سے قبل یہ ریکارڈ 17.2 اوورز کا تھا، جو 2015 میں جنوبی افریقہ کے خلاف قائم ہوا تھا۔ یہاں تک کہ 74 رنز والی اننگ میں بھی ہندوستانی ٹیم نے 17.3 اوورز تک بلے بازی کی تھی، لیکن اس بار وہ تمام ریکارڈز ٹوٹ گئے۔ دوسری جانب 125 رنز سے شکست بھی ٹی-20 کرکٹ میں ہندوستان کی سب سے بڑی شکست ہے۔ اس سے قبل ٹی-20 میں سب سے بڑی شکست 80 رنز سے ہوئی تھی۔