سیالکوٹ (سلیم احمد اعوان شیخو)
فیڈرل انوسٹی گیشن ایجنسی (ایف آئی اے) گوجرانوالہ ڈویژن نے مختلف کارروائیوں کے دوران 10 انسانی سمگلرز،2 ایجنٹس اور 2 اشتہاری ملزم گرفتار کر لئے۔ایف آئی اے کے مطابق 2 غیر قانونی ٹریول ایجنسیوں 25 پاسپورٹس چیک بکس مہریں اور نقد رقم برآمد کی گئی جبکہ دبئی اسلامک بنک کے ایک آفیسر کو 4 کروڑ روپے کے فراڈ میں علامہ اقبال انٹرنیشنل ایئرپورٹ سے گرفتار کیا گیا بلکہ بجلی چوری کے مقدمہ میں ملوث اشتہاری ملزم کو گرفتار کیا گیا اور مختلف مقدمات میں 27 کروڑ 39 لاکھ روپے کی دھوکہ دہی کے خلاف کارروائیاں عمل میں لائی گئیں جبکہ سب سے بڑا مقدمہ سپین بھجوانے کا جھانسہ دے کر 7 کروڑ روپے لینے والے عدنان سلیم کو گرفتار کیا ہے۔معلوم ہوا ہے کہ ایف آئی اے گوجرانولہ سرکل سے 8 اور گجرات سرکل سے 6 گرفتاریاں عمل میں آئی ہیں۔