ملتان (ملک جابر عبّاس سے)
تھانہ گیلے وال پولیس نے چوری کے مقدمہ میں کامیاب کارروائی کرتے ہوئے مرکزی ملزم سمیت واردات میں ملوث تینوں ملزمان کو گرفتار کر لیا، جبکہ چوری شدہ طلائی زیورات کی فروخت سے حاصل ہونے والے 10 لاکھ روپے بھی برآمد کر لیے گئے۔ایس ایچ او تھانہ گیلے وال پیراں ڈتہ نے بتایا کہ گرفتار ملزمان میں اظہر، مبشر اور حسنین شامل ہیں۔ مرکزی ملزم اظہر مدعی مقدمہ کا قریبی رشتہ دار تھا، جس نے منصوبہ بندی کے تحت اپنے ساتھیوں کے ہمراہ چار تولے طلائی زیورات چوری کیے اور بعد ازاں انہیں فروخت کر دیا۔ مقدمہ درج ہونے کے فوراً بعد تھانہ گیلے وال پولیس نے مؤثر کارروائی کرتے ہوئے تینوں ملزمان کو گرفتار کیا اور فروخت شدہ زیورات کی مد میں 10 لاکھ روپے برآمد کر لیے۔ڈسٹرکٹ پولیس آفیسر کیپٹن (ر) علی بن طارق نے برآمد شدہ رقم مدعی مقدمہ کے حوالے کر دی