کالعدم جوائنٹ ایکشن کمیٹی کو ایک اور بڑا جھٹکا، مرکزی اراکین فیصل گیلانی اور خواجہ انیس کا اظہارِ لاتعلقی

مظفر آباد: بیرونی ایما پر آزاد جموں و کشمیر میں انتشار پھیلانے والی کالعدم تنظیم کے مرکزی اراکین فیصل گیلانی اور خواجہ انیس نے کالعدم جوائنٹ ایکشن کمیٹی سے لاتعلقی کا اعلان کر دیا۔
فیصل گیلانی اور خواجہ انیس نے ویڈیو پیغام میں آزاد جموں و کشمیر کے نوجوانوں سے کالعدم کمیٹی کے انتشار کو مسترد کرنے کی اپیل کی ہے۔
فیصل گیلانی نے لاتعلقی کا اعلان کرتے ہوئے کہا کہ وہ کسی ایسی تحریک کا حصہ نہیں رہ سکتے جو ملک دشمن عناصر کی ایما پر نوجوانوں کو پاکستان کے خلاف استعمال کرے۔ انہوں نے کہا کہ کالعدم تنظیم بیرونی شرپسند عناصر کے ایجنڈے پر کاربند ہے۔
نیلم سے تعلق رکھنے والے کالعدم ایکشن کمیٹی کے رکن خواجہ انیس نے ویڈیو پیغام میں کہا کہ عوامی حقوق کے نام پر شروع ہونے والی تحریک نے ریاست اور اداروں کے خلاف اپنی حدود پار کر دی ہیں۔ پاکستان اور ریاستی اداروں کے خلاف کسی بھی قسم کا بیان ناقابلِ برداشت ہے۔
خواجہ انیس نے کالعدم جوائنٹ ایکشن کمیٹی سے علیحدگی کا اعلان کرتے ہوئے کہا کہ وہ کشمیری نوجوانوں سے اس کالعدم کمیٹی سے دور رہنے کی اپیل کرتے ہیں۔ آزاد جموں و کشمیر بھر کے تمام تاجر بھی اس کالعدم تنظیم سے خود کو الگ کر چکے ہیں۔
ماہرین کے مطابق کالعدم کمیٹی کے مرکزی اراکین کی جانب سے دیے گئے پیغام سے شرپسند ٹولے کا انتشاری ایجنڈا کھل کر سامنے آ گیا ہے۔