جھڈو(رپورٹ قیصرراجہ سے)
مارواڑی بھٹی جماعت پاکستان کی جانب سے نوکوٹ اور گرد و نواح کے شہریوں کے لیے جدید ایمبولینس سروس کا آغاز کیا جا رہا ہے۔یہ ایمبولینس جدید طبی سہولیات اور ضروری آلات سے مکمل طور پر لیس ہوگی، اور 24 گھنٹے ہنگامی بنیادوں پر عوام کو طبی امداد فراہم کرے گی۔اس سہولت کے باعث مریضوں کو بروقت اسپتال منتقل کرنے میں نمایاں آسانی ہوگی، جس سے قیمتی جانوں کو بچانے میں مدد ملے گی۔مزید برآں، ایسے افراد جو منشیات یا دیگر نشوں کی لت کا شکار ہیں اور علاج کے خواہشمند ہیں، ان کے لیے کنری میں قائم مارواڑی بھٹی علاج و بحالی سینٹر میں مکمل طور پر مفت علاج اور بحالی کی سہولت فراہم کی جائے گی۔یہ اقدام نوکوٹ اور نواحی علاقوں کے عوام کے لیے ایک اہم، مثبت اور قابلِ تحسین فلاحی خدمت ثابت ہوگا۔