امریکی ریاست ٹیکساس میں گریسی نامی زرافہ لاپتہ ہے ہیلی کاپٹرز سے 7500 ایکڑ تک کا علاقہ چھانا گیا مگر اتنے بڑے زرافہ کا کوئی سراغ نہ لگ سکا
امریکی نیوز ایجنسی کے مطابق تقریباً 3 سال کی گریسی ٹیکساس ہل کنٹری میں سیڈر ہولو رینچ کے اپنے باڑے سے فرار ہو گئی تھی اور وہ دو ہفتوں سے لاپتہ ہے۔
رینچ کے مالک وِک جونز، جو سان انتونیو سے تقریباً 100 میل مغرب میں واقع اس دور دراز علاقے کے مالک ہیں، نے بدھ کو بتایا کہ گریسی اس حصے میں چلی گئی ہے جہاں پہلے دیگر زرافے نہیں گئے تھے۔
جونز نے کہا کہ اس نے گریسی کو تلاش کرنے کے لیے ہیلی کاپٹر بھیجے ہیں، چند مشاہدات سامنے آئے ہیں، اور پانچ ہزار ڈالر کا انعام بھی رکھا گیا ہے۔
رئیل کاؤنٹی کے شیرف نیتھن جانسن نے بتایا کہ برسوں میں کئی جانور لاپتہ ہوئے ہیں، خاص طور پر سیلاب کے بعد، لیکن یہ پہلا زرافہ ہے۔
جونز نے بتایا کہ ابتدائی طور پر ہیلی کاپٹرز نے تقریباً 75 سو ایکڑ علاقے میں تلاش کی لیکن کوئی کامیابی نہیں ملی۔ چند دن بعد اطلاع ملی کہ گریسی جنوب میں دیکھی گئی ہے۔
