لیاقت پور(سٹی رپورٹر)
تحصیل ہیڈکوارٹر ہسپتال لیاقت پور میں تعینات ڈاکٹر شاہد اقبال سابق ڈپٹی میڈیکل افسر سینئر ایم او کا سیاسی بنیاد پر ہونے والا تبادلہ عوام نے مسترد کردیا وزیراعلی پنجاب محترمہ مریم نواز شریف،سیکرٹری ہیلتھ پنجاب سے ڈاکٹر شاہد اقبال کے سیاسی تبادلے کو فوراً کینسل کرنے اس کے پیچھے چھپے عناصر کو بے نقاب کرنے کا مطالبہ تفصیل کے مطابق تحصیل ہیڈکوارٹر ہسپتال لیاقت پور میں عرصہ پندرہ سال سے عوامی خدمت کے جذبہ سے شرشار سابق ڈپٹی میڈیکل افسر و سینئر ایم او ڈاکٹر شاہد اقبال اپنی خدمات سر انجام دے رہے تھے جبکہ سال 18-2017 میں اس وقت کے ڈپٹی کمشنر رحیم یارخان سقراط امان رانا نے انہیں بھاول پور ڈویژن میں ایک سال میں سب زیادہ مریضوں کو چیک کرنے اور بہترین طبی خدمات سر انجام دینے پر تعریفی سند اور کیش پرائز سے بھی نوازا تھا تحصیل ہیڈکوارٹر ہسپتال لیاقت پور میں موجود تمام ڈاکٹروں سے زیادہ مریضوں کو چیک کرنے اور ان کی بیماری کی صحیح تشخیص کے بعد ادویات دینے ڈاکٹر شاہد اقبال کو ہسپتال کی بہترین کارکردگی بڑھانے پر عوامی جانوں کے دشمنوں نے سیاسی مداخلت کرتے ہوئے نامعلوم وجوہات کی بنا پر تحصیل ہیڈکوارٹر ہسپتال لیاقت پور سے چنی گوٹھ تبادلہ کروایا تاہم ہیلتھ افسران نے انہیں چنی گوٹھ سے تحصیل ہیڈکوارٹر ہسپتال خان پور تبدیل کر دیا ہے ایک ہی روز میں تحصیل ہیڈکوارٹر ہسپتال لیاقت پور میں ڈاکٹر شاہد اقبال کی عدم موجودگی سے مریضوں میں تشویش کی لہر دوڑ گئی اور سوشل میڈیا پر ڈاکٹر شاہد اقبال کی عوامی خدمت کو سہراتے ہوئے اپنی نیک خواہشات کا اظہار کیا اور انکے تبادلہ کروانے والے عوامی جانوں کےدشمنوں کو کوستے رہے تحصیل لیاقت پور کی عوام نے وزیراعلی پنجاب محترمہ مریم نواز شریف،سیکرٹری ہیلتھ پنجاب سے ڈاکٹر شاہد اقبال کا سیاسی مداخلت پر ہونے والا تبادلہ کینسل کرنے اور عوامی جانوں کے دشمنوں کے خلاف کارروائی کا مطالبہ کیا ہے