ٹنڈوالہیار رپورٹ تیمور رضا قائم خانی
چیئرمین میونسپل کمیٹی ٹنڈو الہیار سید ثمر حسن شاہ رضوی کی زیرِ صدارت ان کے دفتر میں ماہِ مقدس محرم الحرام کے دوران انتظامات، امن و امان، صفائی ستھرائی، نکاسیٔ آب، اسٹریٹ لائٹس اور دیگر عوامی سہولیات کے حوالے سے غور و خوض اور ضروری فیصلہ سازی کے لیے ایک اہم اجلاس منعقد ہوا اجلاس میں مذہبی رہنماؤں، علمائے کرام، سول سوسائٹی کے نمائندوں، متعلقہ محکموں کے افسران، پولیس حکام اور میونسپل کمیٹی ٹنڈو الہیار کے متعلقہ اہلکاروں نے شرکت کی شرکاء نے محرم الحرام کے دوران مجالس اور جلوسوں کے پُرامن انعقاد، شہری سہولیات کی فراہمی اور بین المحکمہ جاتی رابطہ کاری کے امور پر تفصیلی تبادلۂ خیال کیا۔ اجلاس میں مختلف تجاویز اور سفارشات کا جائزہ لینے کے بعد ضروری فیصلے کیے گئے اور متعلقہ اداروں کو اپنی ذمہ داریاں احسن انداز میں انجام دینے کی ہدایات جاری کی گئیں چیئرمین میونسپل کمیٹی ٹنڈو الہیار نے اس موقع پر کہا کہ محرم الحرام کے دوران شہریوں کو بہترین سہولیات کی فراہمی، صفائی ستھرائی کے مؤثر انتظامات اور امن و امان کے قیام کے لیے تمام متعلقہ ادارے باہمی تعاون اور مکمل ہم آہنگی کے ساتھ کام کریں گے اجلاس کے اختتام پر محرم الحرام کے دوران عوامی خدمت اور انتظامی امور کو مؤثر بنانے کے عزم کا اعادہ کیا گیا۔