چنیوٹ(فرحان بلال سے)
وزیر اعلیٰ پنجاب محترمہ مریم نواز شریف کے وژن ”کرائم فری پنجاب ”کے تحت ضلع بھر میں جرائم پیشہ عناصر کیخلاف کریک ڈاؤن جاری ہے۔چنیوٹ پولیس نے گزشتہ چوبیس گھنٹوں کے دوران جرائم پیشہ عناصر کیخلاف کریک ڈاؤن کرتے ہوئے 18ملزمان کو گرفتارکرلیا۔مجرمان اشتہاریوں کیخلاف کریک ڈاؤن کرتے ہوئے 7اشتہاریوں کو گرفتارکرلیاگیا۔منشیات فروشوں کیخلاف کاروائیوں میں 2ملزمان کو گرفتار کرکے 2 کلو سے زائد چرس برآمد کرلی گئی۔بجلی چوری،تیز رفتاری،غفلت تیز رفتاری سے گاڑی چلانے پر9 ملزمان کو گرفتار کرلیاگیا۔ پولیس پوسٹ ایپ کے ذریعے چیکنگ کے دوران 346مشکوک افراد،635مشکوک گاڑیوں کی چیکنگ کی گئی۔ٹریفک قوانین کی خلاف ورزی پر 350سے زائد گاڑیوں کے چالان کئے گئے،6لاکھ روپے سے زائد جرمانے کئے گئے۔اس حوالے سے ڈسٹرکٹ پولیس آفیسر ڈاکٹر نوید عاطف کا کہناتھا کہ شہریوں کی جان و مال کی حفاظت یقینی بنانے کیلئے عملی اقدامات جاری ہیں۔