بلوچستان رحمت اللہ بلوچ بیوروچیف بے نقاب نیوز نیٹ ورک)
سول ہسپتال میں دورانِ ڈیوٹی خاتون ڈاکٹر پر تیزاب پھینکنے کے واقعے کے خلاف ینگ ڈاکٹرز ایسوسی ایشن بلوچستان کے زیر اہتمام احتجاجی ریلی اور دھرنا دیا گیا ینگ ڈاکٹرز ایسوسی ایشن کی جانب سے سول ہسپتال کوئٹہ سے احتجاجی ریلی نکالی گئی جس میں ڈاکٹرز، پیرا میڈیکل اسٹاف اور دیگر طبی عملے نے شرکت کی مظاہرین نے بینرز اور پلے کارڈز اٹھا رکھے تھے جبکہ سول ہسپتال انتظامیہ اور محکمہ صحت کے حکام کے خلاف نعرہ بازی بھی کی ریلی مختلف شاہراہوں سے ہوتی ہوئی کوئٹہ پریس کلب پہنچی جہاں شرکاء نے احتجاجی مظاہرہ کیا اور بعد ازاں دھرنا دیا۔ اس موقع پر ینگ ڈاکٹرز ایسوسی ایشن کے رہنماؤں نے خطاب کرتے ہوئے کہا کہ بلوچستان کے سرکاری ہسپتالوں میں ڈاکٹرز عدم تحفظ کا شکار ہیں۔ انہوں نے مطالبہ کیا کہ واقعے کی ذمہ داری قبول کرتے ہوئے سیکرٹری صحت اور میڈیکل سپرنٹنڈنٹ (ایم ایس) سول ہسپتال کو فوری طور پر معطل کیا جائے اور ہسپتالوں میں ڈاکٹرز کے تحفظ کو یقینی بنانے کے لیے عملی اقدامات کیے جائیں مظاہرین کا کہنا تھا کہ حکومت واقعے کی تحقیقات کر رہی ہے، تاہم اگر ان کے مطالبات تسلیم نہ کیے گئے تو ملک گیر احتجاجی تحریک شروع کی جائے گی۔