"بے نقاب نیوز ‘‘بنا مظلوم کی آواز: معصوم بچے کی بازیابی پر شہریوں کی جانب سے خراجِ تحسین، ملزم گرفتار

خانیوال:بے نقاب نیوز ٹی وی بنا مظلوم کا سہارا، خبر نشر ہوتے ہی کمسن بچہ بازیاب، ملزم گرفتار ضلع خانیوال کی تحصیل جہانیاں میں اللہ داد بازار، چاند بلڈنگ کے قریب پیش آنے والے ایک افسوسناک واقعے نے شہریوں کو تشویش میں مبتلا کر دیا۔ اطلاعات کے مطابق 10 سالہ کمسن بچے پر ایک کھوکھا مالک نے مبینہ طور پر سگریٹ چوری کا الزام عائد کیا۔ مقامی ذرائع کا کہنا ہے کہ بچے کو مبینہ طور پر رسیوں سے باندھ کر کئی گھنٹوں تک بازار میں رکھا گیا، جس پر علاقے کے شہریوں میں شدید غم و غصہ پایا گیا۔
یہ بھی پڑھیں:
سگریٹ چوری کا الزام،10 سالہ بچے کو باندھ کر کئی گھنٹوں تک بازار میں رکھا گیا
واقعے کی خبر جب بے نقاب نیوز پر چلی جو مختلف سوشل میڈیا گروپس میں وائرل ہوئی تو پولیس فوری طور پر حرکت میں آگئی۔ پولیس نے موقع پر پہنچ کر بچے کو بحفاظت بازیاب کر لیا جبکہ مبینہ ملزم کو گرفتار کر کے قانونی کارروائی کا آغاز کر دیا۔ علاقہ مکینوں کا کہنا ہے کہ بروقت میڈیا نشاندہی اور پولیس کی فوری کارروائی سے ایک کمسن بچے کو مزید اذیت سے بچایا جا سکا۔ شہریوں نے اس موقع پر بے نقاب نیوز ٹی وی اور پولیس کے کردار کو سراہتے ہوئے اطمینان کا اظہار کیا۔ شہری حلقوں کا کہنا ہے کہ بچوں کے ساتھ ایسے ناروا سلوک اور قانون کو ہاتھ میں لینے والے عناصر کے خلاف سخت کارروائی ہونی چاہیے تاکہ مستقبل میں ایسے واقعات کی روک تھام ممکن بنائی جا سکے۔