پیاس نے 50 زندگیاں نگل لیں،واقعہ دنیا کو بڑا سبق دے گیا،پانی ضائع کرنے والوں کے لیے لمحۂ فکریہ

تحریر: اسد مرزا
جہاں لفظ بے نقاب ہوں۔۔۔ وہیں سے سچ کا آغاز ہوتاہے

صحرائےمیں پیش آنے والا دل دہلا دینے والا واقعہ انسان کو سوچنے پر مجبور کر دیتا ہے کہ پانی جیسی عظیم نعمت کی قدر کتنی ضروری ہے۔ اطلاعات کے مطابق عیدالاضحیٰ کی تعطیلات کے بعد واپس آنے والے افراد کا ٹرک صحرائے میں خراب ہو گیا۔ شدید گرمی، طویل انتظار اور پانی کے ذخیرے کے ختم ہونے کے باعث 50 افراد پیاس سے زندگی کی بازی ہار گئے۔یہ سانحہ اس حقیقت کی یاد دہانی کراتا ہے کہ دنیا کے کئی علاقوں میں پانی سونے سے بھی زیادہ قیمتی ہے۔ جہاں ہم روزمرہ زندگی میں نل کھلا چھوڑ دیتے ہیں، گاڑیاں دھوتے وقت سینکڑوں لیٹر پانی بہا دیتے ہیں یا ضرورت سے زیادہ پانی ضائع کر دیتے ہیں، وہیں دنیا کے بعض حصوں میں لوگ پانی کی ایک بوند کے لیے جان کی بازی ہار رہے ہیں۔یہ واقعہ صحرائے صحارا میں پیش آیا جہاں پھنسے افراد میں سے صرف دو لوگ زندہ بچ سکے، جنہوں نے پیدل سفر کرکے قریبی آبادی تک رسائی حاصل کی اور امداد طلب کی۔ تاہم تب تک بہت دیر ہو چکی تھی اور درجنوں جانیں پیاس کی شدت کے سامنے ہار چکی تھیں۔