معمولی بارش کے بعد 24 گھنٹے سے بجلی غائب، شہری شدید مشکلات کا شکار

سکھر ( رپورٹ /عبد الرحمان راجپوت ) سکھر میں معمولی بارش کے بعد 24 گھنٹے سے بجلی غائب، شہری شدید مشکلات کا شکارسکھر میں محض آدھے گھنٹے کی بارش نے بجلی کے نظام کی کارکردگی پر سنگین سوالات کھڑے کر دیے ہیں۔ بارش کے بعد شہر کے مختلف علاقوں میں بجلی کی فراہمی معطل ہو گئی جو 24 گھنٹے گزرنے کے باوجود مکمل طور پر بحال نہ ہو سکی، جس کے باعث شہریوں کو شدید مشکلات کا سامنا ہے۔شہریوں کا کہنا ہے کہ شدید گرمی اور حبس کے موسم میں بجلی کی طویل بندش نے معمولاتِ زندگی مفلوج کر دیے ہیں۔ گھروں میں بچے، بزرگ اور مریض اذیت کا شکار ہیں جبکہ کاروباری سرگرمیاں بھی متاثر ہو رہی ہیں۔ متاثرہ علاقوں کے مکینوں نے سیپکو اور واپڈا حکام کی کارکردگی پر سخت تحفظات کا اظہار کرتے ہوئے سوال اٹھایا ہے کہ اگر معمولی بارش ہی پورے نظام کو مفلوج کر سکتی ہے تو اربوں روپے کے ترقیاتی منصوبوں اور مرمتی کاموں کا فائدہ کیا ہے؟