لاہور(اسد مرزا)
پنجاب پولیس میں اعلیٰ سطح کے تبادلوں کا امکان ظاہر کیا جا رہا ہے، جس کے تحت دو ریجنل پولیس افسران (RPOs) اور دو اضلاع کے ڈسٹرکٹ پولیس افسران (DPOs) کی تبدیلی متوقع ہے۔ ذرائع کے مطابق اس حوالے سے متعدد سینئر افسران کی اہم ملاقاتیں ہو چکی ہیں اور مختلف اضلاع و ریجنز میں تعیناتیوں کے لیے ناموں پر غور جاری ہے۔ پولیس حلقوں میں زیرِ گردش اطلاعات کے مطابق مجوزہ تبادلے محرم الحرام کے انتظامات مکمل ہونے کے بعد کیے جا سکتے ہیں تاکہ حساس مذہبی ایام کے دوران انتظامی تسلسل برقرار رکھا جا سکے۔
ذرائع کا کہنا ہے کہ ممکنہ تبادلوں کے پیش نظر کئی افسران اپنی پسندیدہ اور اہم پوسٹنگز کے حصول کے لیے پرامید ہیں، جبکہ مختلف اضلاع اور ریجنز کے لیے متبادل ناموں پر بھی مشاورت جاری ہے۔