اسلام آباد:ملک میں گدھوں اور خچروں کی تعداد میں مزید اضافہ ہوگیا۔
رپورٹ کے مطابق ملک میں گدھوں کی تعداد میں مزید ایک لاکھ 13 ہزار کا اضافہ ہوا ہے جس کے بعد گدھوں کی تعداد 60 لاکھ 47 ہزار سے بڑھ کر 61 لاکھ 60 ہزار ہوگئی ہے۔
ادارہ شماریات کے دستاویزات میں بتایا گیا ہے کہ ایک سال میں بھینسوں کی تعداد میں 14 لاکھ 17 ہزار کا اضافہ ہوا جس کے بعد بھینسوں کی تعداد 4 کروڑ 76 لاکھ 88 ہزارسے بڑھ کر 4 کروڑ 91 لاکھ 5 ہزار ہوگئی۔
ایک سال میں بھیڑوں کی تعداد میں 3 لاکھ 92 ہزار، بکریوں کی تعداد میں 24 لاکھ 22 ہزار اور اونٹوں کی تعداد میں 16 ہزارکا اضافہ ہوا۔اس کے علاوہ ایک سال میں گھوڑوں کی تعداد میں 3 ہزار اور خچروں کی تعداد میں4 ہزارکااضافہ ہوا۔
