نواب شاہ (رپورٹ نفیس آرائیں)
کمشنر شہید بینظیرآباد ڈویژن شہمیر خان بھٹو نے ڈپٹی کمشنر سانگھڑ کی سفارش پر ضلع سانگھڑ کی تمام نہروں، شاخوں اور آبی گزرگاہوں میں نہانے، تیراکی اور تفریحی سرگرمیوں پر 90 روز کے لیے پابندی عائد کرتے ہوئے نوٹیفکیشن جاری کر دیا ہے۔نوٹیفکیشن کے مطابق گرمی کے موسم میں نہروں اور شاخوں میں نہانے کے دوران پیش آنے والے جان لیوا حادثات اور قیمتی انسانی جانوں کے ضیاع کے خدشات کے پیشِ نظر یہ فیصلہ عوام کے جان و مال کے تحفظ کو یقینی بنانے کے لیے کیا گیا ہے۔ احکامات کے تحت ضلع بھر کی تمام بڑی نہروں، شاخوں اور آبی گزرگاہوں میں نہانے اور تیراکی پر مکمل پابندی نافذ ہوگی، جبکہ خلاف ورزی کے مرتکب افراد کے خلاف دفعہ 144 کے تحت سخت قانونی کارروائی عمل میں لائی جائے گی۔