چنیوٹ(فرحان بلال سے)وزیراعلی پنجاب مریم نواز شریف کے ویژن کے مطابق فیصل آباد ڈویژن اور ضلع چنیوٹ میں عید صفائی آپریشن کامیابی سے مکمل کیا گیا۔عید الاضحی کے تیسرے روز بھی کمشنر فیصل آباد مسرت جبیں سرگرم رہیں اور تحصیل بھوآنہ پہنچ گئیں۔کمشنر نے ڈپٹی کمشنر عائشہ رضوان کے ہمراہ ستھراپنجاب کے صفائی آگاہی کیمپ کا دورہ کیا اورویسٹ ورکرز میں مٹھائی تقسیم،عید قربان پر صفائی اپریشن میں عمدہ کارکردگی پر شاباش دی۔انہوں نے بعض علاقوں میں واشنگ اپریشن کا بھی معائنہ کیا۔انہوں نےموقع پر موجود شہریوں سے ملاقات کی۔شہریوں نے تیز رفتار اور معیاری صفائی ستھرائی پر حکومت پنجاب کا شکریہ اداکیا۔ڈپٹی کمشنر چنیوٹ عائشہ رضوان،ایم ڈی ستھرا پنجاب واثق عباس ہرل،اسسٹنٹ کمشنر شینا اعظم بھی موجود تھیں
