سیالکوٹ (سلیم احمد اعوان شیخو) وزیراعلی پنجاب مریم نواز کے واضح احکامات کے باوجود واسا سیالکوٹ کے ملازمین کو عید سے قبل واسا آفیسران فیصل شہزاد اور عثمان احمد نے تنخواہیں نہ دے کر وزیر اعلی کے حکم کو ہوا میں اڑادیا ہے جس کے نتیجہ میں واسا ملازمین کے اہل خانہ خاص طور پر معصوم بچوں نے عید فاقوں میں گزاری ہے یہ ظلم وبربریت کی داستان واسا ملازمین نے عید کے تیسرے روز بتائی اور مذکورہ ملازمین نے واسا کے مذکورہ آفیسران کی جانب سے واسا ملازمین کے ساتھ اس غیر انسانی سلوک کو ملازمین کے بنیادی انسانی حقوق کو سلب کر لینے کے مترادف قرار دیتے ہوۓ مذکورہ آفیسران کے خلاف فوری کارروائی کا مطالبہ کیا ہے جبکہ رابطہ کرنے پر مذکورہ آفیسران نے بے نقاب نیوز کو بتایا کہ واسا کے اکاؤنٹس میں ملازمین کو تنخواہیں دینے کے لئے پھوٹی کوڑی بھی نہ ہے تو واسا کہاں سے ملازمین کو تنخواہ کی ادائیگی کرے۔
