ٹانک(بیورورپورٹ) محلہ الٰہی آباد میں خطرناک بجلی کی تاریں ہٹانے پر عوام کا ضلعی انتظامیہ کو خراجِ تحسین پیش کہا
ٹانک کے محلہ الٰہی آباد میں گراؤنڈ پویلین کے قریب سے گزرنے والی خطرناک بجلی کی تاروں کے مسئلے پر ضلعی انتظامیہ اور متعلقہ حکام نے فوری کارروائی کرتے ہوئے تاروں کو دوسری جانب منتقل کر دیا، جس پر اہلِ علاقہ نے اطمینان اور خوشی کا اظہار کیا ہے۔
یاد رہے کہ گزشتہ روز سوشل میڈیا پر اس عوامی مسئلے کی نشاندہی کی گئی تھی، جس کے بعد فوری ایکشن لیتے ہوئے متعلقہ حکام نے نہ صرف بجلی کی سپلائی منقطع کروائی بلکہ ممکنہ خطرناک حادثے سے بچنے کے لیے تاروں کی مستقل منتقلی بھی یقینی بنائی۔
عبدالرزاق ،نور محمد برکی سمیت اہلیان علاقہ نے ڈپٹی کمشنر ٹانک، ڈسٹرکٹ سپورٹس آفیسر عابد خان محسود، ایکسین واپڈا، لائن سپرنٹنڈنٹ ظاہر شاہ مروت اور دیگر متعلقہ حکام کا شکریہ ادا کرتے ہوئے کہا کہ یہ اقدام ضلعی انتظامیہ کی عوام دوست پالیسی اور فوری ردعمل کا واضح ثبوت ہے