بیرسٹر محمد سرفراز میٹلو کو کراچی یونیورسٹی کی فیکلٹی آف لاء کا ڈین مقرر کردیا گیا

سکھر (بیوروچیف/عبدالرحمن راجپوت) سندھ ہائی کورٹ بار ایسوسی ایشن سندھ کے سابق صدر بیرسٹر محمد سرفراز میٹلو کو کراچی یونیورسٹی کی فیکلٹی آف لاء کا ڈین مقرر کردیا گیا۔ استقبالیہ تقریب کے دوران وکلاء نے بیرسٹر محمد سرفراز میٹلو کو سندھ کا ثقافتی تحفہ اجرک اور ٹوپی پیش کی۔ اس موقع پر بیرسٹر محمد سرفراز میٹلو اور سینئر قانون دان قربان ملانو نے کہا کہ فیکلٹی آف لاء کا ڈین بننے کے بعد سندھ کے نوجوانوں کے لیے داخلے کے دروازے کھل گئے ہیں۔ اب سندھ کے نوجوان بغیر کسی رکاوٹ اور خوف کے کراچی سے ایل ایل بی، ایل ایل ایم، پی ایچ ڈی اور قانون کی دیگر ڈگریاں آسانی سے حاصل کر سکتے ہیں۔ کراچی سے قانون کے شعبے میں تعلیم حاصل کرنے کے خواہشمند سندھی طلبہ کو درپیش رکاوٹیں اور مسائل ان کوششوں سے تقریباً حل ہو چکے ہیں۔ اس کے علاوہ سکھر اے بی ڈی لاء کالج کو اپ گریڈ کیا گیا ہے۔ کیمپس کا درجہ دے کر اعلیٰ تعلیم کے پروگرام شروع کیے جائیں گے۔