حیدرآباد(رپورٹ: دلدار علی بلال)
شدید گرمی اور ہیٹ اسٹروک کے خطرات کے پیشِ نظر الرحمان ویلفیئر آرگنائزیشن کی جانب سے عوام الناس کے لیے ٹھنڈے پانی اور شربت کا خصوصی فلاحی کیمپ قائم کیا گیا، جہاں شہریوں کو گرمی کی شدت سے بچاؤ کے لیے ٹھنڈا پانی اور شربت فراہم کیا گیافلاحی کیمپ کی نگرانی صدر محترمہ بشریٰ آرائیں نے کی، جبکہ اس موقع پر محبوب علی میمن، شاہ زینہ شاہ صدیق جنرل سیکرٹری، محمد شیراز خان، خالد آرائیں اور دیگر معزز شخصیات نے بھرپور شرکت کرکے خدمتِ انسانیت کے اس عمل کو سراہا۔شرکاء کا کہنا تھا کہ موجودہ شدید گرمی میں ایسے فلاحی اقدامات نہ صرف عوام کے لیے ریلیف کا باعث ہیں بلکہ انسانیت، محبت، اخوت اور سماجی ذمہ داری کا بہترین مظہر بھی ہیں۔ کیمپ میں آنے والے شہریوں نے الرحمان ویلفیئر آرگنائزیشن کی اس کاوش کو خوب سراہتے ہوئے کہا کہ ایسے اقدامات معاشرے میں ہمدردی اور بھائی چارے کو فروغ دیتے ہیں۔