میرپورخاص:تمغہ امتیازملنے پرجاوید رئیس کے اعزازمیں استقبالیہ تقریب

میرپورخاص(رپورٹ / قیصر راجہ راجپوت)حکومتِ پاکستان کی جانب سے افراد باہم معذورین(PWD,s) کے لئے بے مثال فلاحی خدمات انجام دینے پر ڈس ایبلڈ ویلفیئر ایسوسی ایشن۔DWA کراچی کے صدر "جاوید رئیس” کو صدارتی اعزاز "تمغہ امتیاز” سے نوازا گیا ، اس تاریخی موقع پر ،MSSWA ادارہ گلستانِ معذورین میرپورخاص میں ایک پروقار استقبالیہ تقریب کا انعقاد کیا گیا،تمغہ امتیاز یافتہ جاوید رئیس کا ادارہ میں آمد پر پرتپاک استقبال کیا گیا اور پھولوں کی پتیاں نچھاور کی گئیں۔اس موقع پر گلستان معذورین کے سرپرست آفاق احمد خان۔صدر قمرالدین ملک نے جاوید رئیس کو اجرک اور گلدستے کے تحائف پیش کئے۔تقریب سے خطاب کرتے ہوئے جاوید رئیس نے کہا کہ انہیں تمغہ امتیاز سے نوازنا پورے ملک کے افراد باہم معذورین کی جدوجہد کا ثمر اور انکی قربانیوں کا صلہ ہے۔ استقبالیہ تقریب سے خطاب کرتے ہوئے MSSWA گلستان معذورین کے سرپرست آفاق احمد خان۔صدر قمرالدین ملک۔روٹری میرپورخاص سینٹرل کے نظیر ڈیتھو۔جاوید ملک۔سلیم خان نے کہا کہ جاوید رئیس ملک بھر کے افراد باہم معذورین کیلے رول ماڈل ہیں۔تقریب میں جنرل سکریٹری صلاح الدین،فیصل بروہی،جمعہ خان،جے رام،محمد عرفان۔نظیر ڈیتھو۔نیشنل پریس کلب کے صدر حیات قریشی۔صحافی عبدالغفار لغاری۔سندھ اولمپک کے صدر سلیم خان نے تمغہ امتیاز پانے والے جاوید رئیس کو پھولوں کا گلدستہ اور اجرک کا تحفہ پیش کیا۔۔اس موقع پر آپریشن معرکہ حق،بنیان مرصوص کی کامیابی کی سالگرہ کی مناسبت سے وزیراعظم شہباز شریف اور فیلڈمارشل عاصم منیر کو مبارکباد پیش کی گئی اور کیک کاٹا گیا۔بعد ازاں ادارہ گلستان معذورین گاما اسٹیڈیم سے پریس کلب تک ریلی نکالی گئی جہاں صدر پریس کلب نظیر پنھور نے تمغہ امتیاز یافتہ جاوید رئیس اور ریلی کے شرکاء کا استقبال کیا، انہیں اجرک و گلدستے کے تحائف پیش کئے۔اس موقع پریس کلب کے عہدیدار واحد پہلوانی و دیگر موجود تھے۔