اسلام آباد (عاشر علی )
موٹرویز پر جانوروں سے لدی گاڑیوں کے داخلے پر پابندی عائد، نیشنل ہائی ویز اینڈ موٹروے پولیس نے عیدالاضحیٰ کے پیش نظر موٹرویز پر جانوروں سے لدی گاڑیوں کے داخلے پر پابندی عائد کر دی ہے۔
موٹروے پولیس کے مطابق اوورلوڈ، ان فٹ اور غیر محفوظ طریقے سے لوڈ کی گئی گاڑیاں حادثات اور ٹریفک جام کا سبب بنتی ہیں، اس لیے ایسی گاڑیوں کو دیگر متبادل راستوں پر منتقل کیا جائے گا۔ ماضی میں جانوروں سے لدی ہوئی گاڑیاں متعدد خطرناک حادثات کا شکار ہو چکی ہیں جن میں شدید مالی اور جانی نقصان ہوا
پنجاب اورخیبرپختونخوا پولیس کو موٹروے انٹری پوائنٹس اور مویشی منڈیوں کے قریب چیک پوسٹس قائم کرنے کی درخواست کی گئی ہے۔ یہ اقدام موٹروے پہ سفر کرنے والوں کی حفاظت کے پیش نظر اٹھایا گیا ہے