کہانی نگار محبوب سندھی کے ناول ریٹا خواب کی شاندار تقریبِ رونمائی

قاضی احمد( رپورٹ: سائیں بخش لاکھو)قاضی احمد میں معروف ادیب اور بہترین کہانی نگار محبوب سندھی کے ناول ریٹا خواب کی شاندار تقریبِ رونمائی ناز باغ کی طالب المولا لانڈی میں منعقد ہوئی، جس میں سندھ بھر سے آئے ہوئے ادیبوں، شاعروں، دانشوروں اور ادب سے وابستہ افراد نے بڑی تعداد میں شرکت کی۔یہ تقریب سندھی ادبی سنگت شاخ قاضی احمد کی جانب سے منعقد کی گئی، جس کی صدارت نامور شاعر وسیم سومرو نے کی، جبکہ مہمانِ خصوصی ناول نگار محبوب سندھی تھے۔ اعزازی مہمانوں میں رضا لانگاہ، بادل لرا، نواز میاں نواز انڑ، زاہد سومرو اور شبیر سیال شامل تھے۔اس موقع پر خطاب کرتے ہوئے محبوب سندھی نے کہا کہ ان کا ناول ریٹا خواب ماضی اور حال کے حالات کی عکاسی کرتا ہے۔۔صدارتی خطاب میں وسیم سومرو نے کہا کہ ریٹا خواب سندھ کی تاریخ، ثقافت اور تہذیب پر مبنی ایک اہم ناول ہے۔تقریب کے دوران ادبی نشست اور مشاعرہ بھی منعقد ہوا، جس میں ایم بی داہری، ممتاز خادم میمن، اصغر دمائی، ممتاز سیال، علی دوست ملوکانی، شبنم کوکر، مرتضی شاہ، مسافر لاکو اور دیگر مقررین نے ناول پر تفصیلی اظہارِ خیال کیا۔مشاعرے میں محمد علی جوکھیو، سکندر جروار، سید منیر شاہ، شبنم کوکر، مرتضی شاہ، مسافر لاکو اور دیگر شعرا نے اپنا کلام پیش کرکے محفل کو خوب گرمایا، جبکہ آخر میں گلوکار شمشیر راہو اور اختیار مہر نے اپنے فن کا مظاہرہ کرتے ہوئے خوبصورت گیت پیش کیے اور تقریب کو یادگار بنا دیا۔