میرپورخاص (رپورٹ / قیصر راجہ راجپوت)
میرپورخاص اسپیشل اسپورٹس ایسوسی ایشن کے وفد کی سیکریٹری اسپورٹس اور کمشنر سے ملاقات، اگست 2026 میں خصوصی کھیلوں کے انعقاد کی تجویز
تفصیلات کے مطابق میرپورخاص اسپیشل اسپورٹس اینڈ ویلفیئر ایسوسی ایشن (MSSWA) گلستانِ معذورین میرپورخاص کے صدر قمرالدین ملک نے اپنے وفد کے ہمراہ، جس میں جنرل سیکریٹری صلاح الدین، جوائنٹ سیکریٹری جمعہ خان، خزانچی محمد فیصل، آفس سیکریٹری نوید علی، انفارمیشن سیکریٹری جے رام اور رابطہ سیکریٹری محمد عرفان غوری شامل تھے، آل سندھ اسپورٹس گیمز کے موقع پر سیکریٹری اسپورٹس اینڈ یوتھ افیئرز ڈیپارٹمنٹ حکومتِ سندھ منور علی مہیسر اور کمشنر میرپورخاص ڈویژن جلال الدین مہر سے خصوصی ملاقات کی جس کے دوران معذور افراد کی فلاح و بہبود، سماجی شمولیت، کھیلوں کے فروغ اور نوجوانوں کی ترقی سے متعلق مختلف امور پر تفصیلی تبادلہء خیال کیا گیا اس موقع پر وفد نے MSSWA کی جانب سے خصوصی افراد کی بہتری کے لئے جاری سرگرمیوں اور خدمات سے آگاہ کرتے ہوئے متعلقہء حکام سے مزید تعاون اور سرپرستی کی درخواست کی جبکہ وفد نے میرپورخاص میں خصوصی کھلاڑیوں کے لیے اگست 2026 میں خصوصی اسپورٹس ایونٹ منعقد کرنے کی تجویز بھی پیش کی اور اس بات پر زور دیا کہ علاقے کے باصلاحیت خصوصی کھلاڑیوں کو مساوی مواقع، جدید سہولیات اور حوصلہ افزائی فراہم کی جائے تاکہ وہ ملکی و بین الاقوامی سطح پر نام روشن کر سکیں جس پر سیکریٹری اسپورٹس اور کمشنر میرپورخاص نے ایسوسی ایشن کی خدمات کو سراہتے ہوئے سندھ بھر بالخصوص میرپورخاص ڈویژن میں جامع کھیلوں، نوجوانوں کی ترقی اور فلاحی سرگرمیوں کے فروغ کے لئے اپنے مکمل تعاون کی یقین دہانی کرائی اس اہم ملاقات میں دیگر متعلقہء افسران اور وفد کے اراکین بھی بڑی تعداد میں موجود تھے۔