سیالکوٹ (سلیم احمد اعوان شیخو) وزیر اعلی مریم نواز شریف کے وژن کے تحت گورنمنٹ ہائی سکول منڈیکے گورائیہ، ڈسکہ میں 16 کمپیوٹر پر مشتمل جدید کمپیوٹر ٹیک لیب کا افتتاح کر دیا گیا ہے۔ افتتاحی تقریب میں سابق ضلعی وائس چئیرمین چوہدری جمیل اشرف اور اسسٹنٹ کمشنر ڈسکہ سعدیہ جعفر خصوصی طور پر شرکت کی۔
سکول کے ہال میں منعقدہ تقریب سے خطاب کرتے ہوئے، چوہدری جمیل اشرف نے کہا کہ وزیر اعلی مریم نواز شریف اور وزیر تعلیم رانا سکندر حیات جدید تعلیم کے نئے نئے کورسز متعارف کروا رہے ہیں۔ انہوں نے کہا کہ کمپیوٹر ٹیک لیب میں اے آئی، روبوٹکس، سافٹ ویئر اور ہارڈ ویئر کے کورسز کروائے جائیں گے۔ اسسٹنٹ کمشنر ڈسکہ سعدیہ جعفر نے کہا کہ وزیر اعلی پنجاب بچوں کو جدید سے جدید تعلیم خاص طور پر آئی ٹی کے شعبے میں بچوں کو ترقی کرتے دیکھنا چاہتی ہیں۔
